No opnar vegen inn til Lærdal statsalmenning!

Frå i ettermiddag, 13. juli, kan du køyra heilt inn til Kvevatnet og ta deg ein fisketur i Lærdal statsalmenning.

Vanlegvis er det fast opningsdato for vegen 20. juli, men på grunn av den tidlege og varme sommaren har fjellstyret etter dialog med NVE og Østfold Energi fått til opning alt frå fredag 13. juli. Med andre ord er det berre å koma seg til fjells!

Info om prisar for og kvar ein kan få kjøpt fiskekort finn du under fana «fiskekort».

Det er ein ny parkeringsplass ved Kvevatnet i samband med utsetjingsrampa for båtar. Denne parkeringsplassen er berekna for bilar og ikkje båthengarar. På parkeringsplassen skal det vera plass til å snu og rygga ned, så Fjellstyret oppmodar om at ein tek hengaren med heimatt når båten er sett ut.